Хасэ Артэга-і-Гасэт. Чалавек эліты і чалавек масы

Чалавек эліты і чалавек масы Хасэ Артэга-і-Гасэт. «Паўстанне мас»

Чалавек эліты прад'яўляе да сябе строгія патрабаванні. Чалавек масы — заўсёды задаволены сабой, больш за тое, захапляецца сабой.

Насуперак звычайнаму меркаванню, менавіта чалавек эліты, а зусім не чалавек масы, праводзіць жыццё ў служэнні. Жыццё не мае для яго цікавасці, калі ён не можа прысвяціць яго чамусьці вышэйшаму. Яго служэнне — не знешні прымус і не прыгнёт, а ўнутраная патрэба. Калі магчымасць служэння знікае, ён адчувае неспакой, шукае новага задання, больш цяжкага, больш суровага і адказнага. Гэта жыццё, падпарадкаванае самадысцыпліне, годнае, высакароднае жыццё. Адметная рыса высакароднасці — не правы, не прывілеі, а абавязкі, патрабаванні да самога сябе.